スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。

攪錯晒

尋日再去睇醫生, 其實之前感冒已經好番, 不過又開始間遏性狂咳同埋間中失控流鼻水, 我諗應該係氣管敏感, 連續咳咗幾日都唔好, 同埋又咳得好辛苦, 都係去睇睇醫生啦, 去番金鐘度睇, 醫生都係話我氣管敏感, 跟住佢就問我有冇介口, 然後就開始咗我地以下既對話啦~~

我: 有呀, 我冇飲凍野
醫生: 生果都唔好食喎
我:吓...咁香蕉得唔得
醫生:梗係唔得啦, 咳死你呀, 如果要食, 淨係可以食蘋果同木瓜
(跟住佢就係張紙上面一路寫一咯同我講)
醫生: 唔好飲茶
我: 係咪唔飲得白茶, 咁, 紅茶得唔得
醫生: 免強普洱可以飲少少, 不過你都係飲暖水啦
我: .......(已經覺得好慘啦)
醫生: 唔好食蜜糖
我: 吓....我仲以為飲蜜糖會滋潤喉嚨, 舒服D
醫生: 梗唔係啦, 咳死你呀(haha...又係呢句)

唔食得既同食得既就列係下面張表度, 如果同我一樣有氣管敏感既朋友仔可以參考下, 原來一D我一向認為健康既食物, 係敏感發作既时候係唔食得架 (不過我最近差唔多食過晒....真係醫生話齋"咳死我")
medicine2.jpg

今次比既藥, 有一隻係止咳粉, 開水飲既, 第一次食, 味道唔難食喎, 有D似"康鈣C"
medicine1.jpg

點解唔死遠D

今朝起身想行出露台, 點知就發現佢死正係個門口度, 我當然係唔敢清理佢啦, 見到都毛管戙, 哀在某人今日又唔返香港, 拿拿call佢叫佢聽日返來攪掂隻小強屍駭, 唉....點解要死係我露台度唔死遠D.....

[由於張相令我見親都毛管戙, 所以delete咗啦]

好金

自從離職之後, 覺得身體比以前好咗, 頭痛藥都減少了唔使點食, 好耐都冇試過好似今次病得咁金, 病了兩個星期, 而家都未好, 上星期轉去睇番之前係金鐘既公司醫生, 佢真係好好, 不過哀在只睇上午, 仲要鬼咁多人, 如果11點後去分分鐘太多人唔收新症, 所以我去親睇都會8點半前去到等佢開門, 冇咗醫療咭要比現金, 好彩兩個姑娘仲記得我, 仲叫得出我個名(我果然係熟客), 今次食完5日藥之後已經好番好多, 不過仲仍然有D咳同鼻水, 所以聽朝都會去再睇多次, 快D清晒D病毒, 費事傳染比人!

意想不到的聚會

前兩日接到小南的電話, 原來她與Husband返香港參加好友的婚禮, 會有幾日逗留係香港, 由於時間太怱忙, 來不及約其他朋友仔, 只係約咗我同hau yee今天下午來個聚會, 而小南星期三晚就會離開香港, 好多謝小南咁緊迫都抽時間同我地見面。我地今日約咗係深水埗見面, 順便去行下好耐冇去睇既花邊, 不過我今日感冒未清, 很不在狀態(希望小南見諒呢)! 聽日恐怕都要去睇多次醫生啦~~

我地先去西九龍中心椰林閣醫肚, 呢度我同小南去親深水埗大多都會去幫襯
group11-5-09.jpg
今次小南帶埋一齊返香港既B女, 我覺得佢好靚女, 不過唔記得問佢叫名
SNBlythe.jpg
仲有hau yee 都帶咗佢既tanned skin benny
Blati.jpg
 

到訪

謝謝hau yee今日到我家探訪我, 仲帶咗份好貼心既禮物比我

就係呢張櫈仔啦, 佢見我用電腦用得咁辛苦, 買咗呢張可愛既貓貓櫈仔比我等我坐得舒服D
P1070862.jpg

而且裏面仲可以放什物, 十分實用, 真係多謝晒
P1070865.jpg

前のページへ HOME このページの一番上へ 次のページへ

上記広告は1ヶ月以上更新のないブログに表示されています。新しい記事を書くことで広告を消せます。