Carly

尋晚我間房出現不速之客, 有隻不明昆蟲物體伏咗係衣櫃上面, 我都唔敢望真究竟係�弸�蟲(又似蜜蜂又似小強), 成家人都怕昆蟲, 冇人肯幫我去攪掂佢, 唯有迅速徹離我間房, 關埋房門, 我就做咗成晚廳長, 今朝戰戰競競入房望下隻野係咪仲係度, 結果唔見咗佢既影踪, 死啦...咁究竟佢係走咗定係哩埋咗呢, 呢次我有排驚啦

屋企附近賣FL間shop搬走咗, 咁都好既, 唔使等我咁大誘惑, 不過喜歡shopping既我又轉移去網購, 幫襯開既一間online shop都有幾多選擇, 仲有我其中一隻喜歡既牌子"Osmosis", 最近就係網上買咗3對耳環啦, 如果大家都有興趣, 不妨去以下網址睇下: http://www.agirlfashion.com/index.do

就係買咗呢3對耳環啦


另外因為最近成日打機, 令到我既近視到散光都深咗, 某人就送咗副眼鏡框我, 不過我戴眼鏡果然係好樣衰, 勁似"訓導主任"

続きを読む »

尋晚同一班好耐冇見既舊朋友去灣仔新世紀食buffet, 原本想去CWB富豪既, 不過訂唔到位, 新世紀都OK, 而且好耐冇去啦, 以前打工仲係風流快活果陣, 久不久都會去新世紀既意大利餐廳食lunch, 食親都個幾兩個鐘(當然老細都有份去我地先敢咁放肆), 真係好懷念果陣咁開心! 講番尋晚既buffet, 食物種類唔算太多, 不過味道都ok, 我當然主攻我最愛既魚生同埋甜品啦, 感覺american cheese cake 冇以前咁好味, 不過另一隻chocolate mousse就唔錯, 我都食咗兩件!

仲有唔知係咪打風, 我尋晚返到屋企樓下勁多曱甴, 仲有隻係大廈入口兩頭走, 嚇到我彈咗出馬路, 咁啱有幾個人經過, 有個男仔好勇敢咁幫我踩死咗佢, 佢話我: 你咁走出馬路好危險架! 我都知, 不過我當時真係好驚吖ma

魚生都算生鮮


女子組合照(影完呢張我部相機就冇電, 所以男子組冇份)

好耐冇update個blog了, 前後病咗成個月, 上次敏感咳完好番唔夠幾日, 又再喉嚨發炎, 真係病到我冇晒意見, 醫生都話我年年都病獲金既, 希望病完今次, 病魔快D遠離我! 見好番, 尋日去咗做body massage, 佢都話我水腫好嚴重, 可能最近食得太多葯, 跟住就話同我做拔罐, 我上次做過都覺得OK, 所以就比佢做啦, 不過唔知係咪今次水腫嚴重咗, 嘩....痛到我叫救命, 尤其係patpat位, 佢仲話做埋大腿, 點知仲痛, 推咗兩下我真係頂唔順要叫停, 改番用手推, 雖然做既時候好痛, 不過做完之後個人又真係鬆好多!

早兩日收到iris既包裏, 佢真係好有心呀, 咁快就寄定生日禮物比我, 禮物入面包括好多令令布同花邊, 仲有猫猫coins bag及筆同埋MAC既lip gloss, 真係多謝晒你呀iris^_^


最近買咗兩個袋袋, 一個係平時落街用, 另一個係去supermarket買野用既, 因為就來要比膠袋費同埋我都想支持下環保!

呢個就係平時落街街用既


呢個係環保袋, 都可以放好多野架

尋日再去睇醫生, 其實之前感冒已經好番, 不過又開始間遏性狂咳同埋間中失控流鼻水, 我諗應該係氣管敏感, 連續咳咗幾日都唔好, 同埋又咳得好辛苦, 都係去睇睇醫生啦, 去番金鐘度睇, 醫生都係話我氣管敏感, 跟住佢就問我有冇介口, 然後就開始咗我地以下既對話啦~~

我: 有呀, 我冇飲凍野
醫生: 生果都唔好食喎
我:吓...咁香蕉得唔得
醫生:梗係唔得啦, 咳死你呀, 如果要食, 淨係可以食蘋果同木瓜
(跟住佢就係張紙上面一路寫一咯同我講)
醫生: 唔好飲�冀�
我: 係咪唔飲得白茶, 咁, 紅茶得唔得
醫生: 免強普洱可以飲少少, 不過你都係飲暖水啦
我: .......(已經覺得好慘啦)
醫生: 唔好食蜜糖
我: 吓....我仲以為飲蜜糖會滋潤喉嚨, 舒服D
醫生: 梗唔係啦, 咳死你呀(haha...又係呢句)

唔食得既同食得既就列係下面張表度, 如果同我一樣有氣管敏感既朋友仔可以參考下, 原來一D我一向認為健康既食物, 係敏感發作既时候係唔食得架 (不過我最近差唔多食過晒....真係醫生話齋"咳死我")


今次比既藥, 有一隻係止咳粉, 開水飲既, 第一次食, 味道唔難食喎, 有D似"康鈣C"

今朝起身想行出露台, 點知就發現佢死正係個門口度, 我當然係唔敢清理佢啦, 見到都毛管戙, 哀在某人今日又唔返香港, 拿拿call佢叫佢聽日返來攪掂隻小強屍駭, 唉....點解要死係我露台度唔死遠D.....

[由於張相令我見親都毛管戙, 所以delete咗啦]